ភ្នំពេញ៖ នាយករដ្ឋមន្រ្តីកម្ពុជាសម្ដេចតេជោ ហ៊ុន សែន បានធ្វើការសូមអភ័យទោសចំពោះសិស្សានុសិស្សដែលបានប្រឡងមធ្យមសិក្សាទុតិយភូមិឆ្នាំសិក្សា២០២១-២០២២ និងសិស្សនិទ្ទេស A ទាំងអស់ ចំពោះការពន្យារពេលក្នុងការប្រឡងក៏ដូចជាពន្យាពេលនៃជំនួបរវាងសម្ដេច។

សម្ដេចតេជោ ហ៊ុន សែន បានលើកឡើងថាមូលហេតុនៃការលើកពេលប្រឡងបាក់ឌុបឆ្នាំ២០២២ គឺដោយសារតែពេលនោះកម្ពុជាត្រូវរៀបចំធ្វើជាម្ចាស់ផ្ទះនៃកិច្ចប្រជុំកំពូលអាស៊ានខណៈដែលពន្យារពេលនៃការជួបជាមួយនឹងសិស្សនិទ្ទេស A គឺដោយសារតែត្រូវការពេលដើម្បីកម្មង់ទិញ ipad ជូនសិស្សានុសិស្ស។

សម្ដេចតេជោលើកឡើងបែបនេះនៅក្នុងពិធីជួបសំណេះសំណាលជាមួយនឹងសិស្សនិទ្ទេស A និងការប្រឡងសញ្ញាបត្របច្ចេកទេសនិងវិជ្ជាជីវៈកម្រិត ៣ ឆ្នាំ២០២២ ព្រឹកថ្ងៃទី២ ខែកុម្ភៈ ឆ្នាំ២០២៣ នៅសាល OCIC ជ្រោយចង្វារ៕